Udarekin batera, Zaldi Zuriko kontzertuen kartel tradizionala dator. Aurten, ohikoak diren rock eta pop rock talde anitzen saioeztaz gain, Zaldi Zuriak asteazkenero musika elektronikoz osatutako saioak eskainiko ditu.

Aurreko urteetan baino lehenago hasi dira kontzertuak, gehienbat baldintza meteorologikoak direla-eta. Ekainaren 14an, hain zuzen ere, La Prima Janis rock taldeak eman zion hasiera Iruñeko udako kultura eskaintza eskasean finkatu den Zaldi Zuriko musika egitarauari.

Edizio honetako nobedadea musika elektronikoko saioak dira. «Ez dira jendea erakartzeko programatu, baizik eta gure kultura eskaintza zabaltzeko», azaldu du Alfredo Domeñok, Zaldi Zuriko musika egitarauaren arduradunak.

Saiook asteazkenero egingo dira, 20.00etatik aurrera, eta bi ordu eta laurdeneko iraupena izango dute gehienez.

Chill out emanaldiak, aldiz, ekainaren 20an hasi ziren Nicolette Club de ritmoko Txabi Fun-tsak-enarekin. Sanferminetan ez zen emanaldirik eman eta uztailaren 18an hasiko dira berriro ere, Millán de Honyar2 arduratuko da horretaz. 25ean, asteazkenarekin, Bilboko Alain de Electronische-ren txanda izango da.

Abuztuaren 1ean, asteazkena, berriz, Iruñeko Aniana arituko da, eta 8an, Martin Buddin, iruindarra hura ere. Buddin izango da uda honetako egitaraua itxiko duena.

Kontzertu guztiak 20.00etan hasiko dira:
• Uztailak 19: Folk Faranduls (folka)
• Uztailak 26: Marti-K (pop rocka)
• Abuztuak 2: Airam (pop rocka)
• Abuztuak 9: Kerobia (pop rocka euskaraz)