Udaran ohikoa den musika eskaintza urriari aurre egiteko sortu zuten Zaldi Zuriko kontzertu saioa, eta aurten ere gogotsu abiatu dute egitasmoa. Ekainaren 18an Nafarroa Oinezeko abestiaren aurkezpenak hasiera eman zion saioari, eta irailaren 18-ra arte luzatuko da, ohikoa bihurtu den THC taldearen emanaldi jendetsuarekin.

Egitasmoaren arduradun Alfredo Domeñok azaldu moduan, beren helburua hiriari zerbitzu kulturala ematea da, jakina baita udaran musika eskaintza nabarmenki urritzen dela, batez ere, sanferminak bukatuta. Zentzu horretan, edizio honetako kartelaren aniztasuna eta egitasmoaren iraupenaren luzatzea azpimarratu ditu Domeñok. Aurten, gainera, 4000 watioko potentzia gainditutzen duen musika ekipo berria dute. Musika taldeei dagokienez, Iruñeko gune epikoena animatuko dutenen artean O`funkillo taldeko kide ohiek sortutako Athanai, Acido C, Gualitxo eta Leihotikan aipatu zituen Domeñok. Gainera, osteguneko emanaldiei gehituta, asteartero chill out kontzertuak izango dira, besteak beste Makala, Aniana edo Revolutionary Brothers-en parte-hartzearekin. Kontzertu guztiak 20.00etan hasiko dira eta dohainik izanen dira.

Egitaraua

Abuztuak 8, Mr.Fylyn.

Abuztuak 14, Athanai.

Abuztuak 21, Terraplenes.

Abuztuak 28, Gualitxo.

CHILL OUT Abuztuak 5, Budin. Abuztuak 12, Kar dj Shola + Álvaro Tapioca. Abuztuak 19 Revolutionay Brothers. Abuztuak 26, Makala.