Iruñerriko Gazte Asanbladaren 15.en urteurrena dela eta, hilaren 12an, Gazte Eguna festa ospatuko da Iruñean. Jai giroan musika, bideo emanaldiak, bazkaria eta aldarrikapena nagusituko dira Alde Zaharreko eta Barañaingo kaleetan. Atzo IGA-k Iturramako institutoan emandako prentsaurrekoan urte hauetan egindako lanaren balorazioa ezagutzera eman zuten. 

Gaur egun, 14 hazte asanblada daude Iruñerriko auzo eta herri ezberdinetan eta bere helburu nagusia gazteriarentzat kezkagarriak diren gaiak eztabaidatzea da. Atzoko prentsaurrekoan IGAko kideek adierazi zuten bezala, auzo eta helburu ezberdinak izan arren, "autogestiotik bizi nahi izatea eta Iruñerriko gazteentzako errealitate alternatibo bat nahi izatea" batzen dituzte guztiak.

Egitaraua 

11.00etan. Elektrotxarangarekin, Alde Zaharreko Nabarreria kaletikan zehar poteoa.
12.00etan. Gaztelu plazan, pintxo lehiaketa izanen da.
13.30ean.IGA 15 urtez hitzaldia Barañaingo Alaitz eskolan.
14.30ean. Bazkaria Barañaingo Alaitz eskolan. Txartelek zortzi euro balio dute eta apirilaren 8a arte izanen dira salgai Iruñerriko Gazte Asanbladetan eta ohiko tabernetan. Ondoren, Jorjito eta Jabieritoren azken kontzertua ikusteko aukera izanen da, baita brake dance dan-tza emanaldia ikusteko ere. Gerturatutakoek zozketa batean parte hartzeko aukera izanen dute bazkaldu ostean.
19.00etan. Autobus geltokitik abiaturik 15 urtez autogestioa elopean manifestazioa eginen da eta ondoren ekitaldia.
21.30ean. Gaua bideo emanaldi batekin hasiko da eta ondoren konzertuak izanen dira Uharteko frontoian gau osoan zehar. Joko duten taldeak hauek izanen dira: Feos pero majos, Etsaiak, Arkada, Iraultza, Skatu eta Joxpa.