Uztaila eta abuztu osoan zehar atseden hartu eta gero, Iruñean Kantuz ekimena berriro martxan jarri da hirian. Irailaren 1ean Alde Zaharreko kaleak alaituko dira euskal doinuen bidez berriz ere, eta eguerdiko hamabitan hasiko da jarduera, Merkaderes kalean, hain zuzen.

Dagoeneko bi urte pasa dira Iruñean Kantuz antolatzen hasi zirenetik eta harrakasta handia lortu du. Antolatzaileek diotenez , era bat finkatuta dagoen ekimena da, izan ere, 200 eta 250 pertsona inguru bildu izan dira hilabetero euskal kultura sustatzeko asmoarekin.

Adierazi duten moduan, hamar urte pasa dira "Baionan kantuz" antolatzen hasi zirentik. euskal kultura  kantuen bidez sustatzea ideia bikaina izan zitekeela pentsatu zen Euskal Herria osoan, eta modu honetan, bertako hiri eta herri osotara zabaldu zen kantuz kantu aritzeko gogoa. Honezkero Nafarroan ere harrakasta handia izan du, izan ere, Iruñeaz gain, Tafalla, Lizarra, Tutera eta Zizur Nagusian ere proiektua martxan dago.

Beraz bada, animatu zaitezte eta ahotsa presta ezazue euskal kantu zaharrak Alde Zaharreko kaleetatik abesteko. Aukera bikaina da euskal kultua errebindikatzeko eta era berean, betidanik Euskal Herrian ezagunak izan diren kantuak iraganean ahaztuak ez uzteko.